Өңірде спорт алаңдары көбейтіледі, деп хабарлайды AtyrauPress тілшісі.
Осындай алаңдардың бірі бүгін Елшібек елді мекенінде «Еділ Орал» мекемесінің демеушілігімен пайдалануға берілді. Бұл туралы қалалық әкімдіктің баспасөз қызметі мәлім етті.
Аталған футбол алаңының құрылысы қазан айында басталған. Сонымен қатар, өңірде тозығы жеткен 48 футбол алаңдары жөнделуде. Оның жиырмаға жуығы жылдың соңына дейін жөнделіп, қолданысқа беріледі, қалған 28 келесі жылы іске қосылады.
Жастардың болашағы мен салауатты өмір салтын қалыптастыру үшін игі шараларды қалалық әкімдікпен бірлесе атқарып жатырған кәсіпкерлерге қала әкімі Мейірім Қалауи өз ризашылығын білдіре отырып, тұрғындарға қолданысқа берілген футбол алаңын күтіп ұстау қажеттігін жеткізді. Өз кезегінде тұрғындар жаңа ойын алаңы үшін мердігер мекемеге алғыстарын білдірді.
Фото: әкімдіктің баспасөз қызметі