Елімізде заманауи цифрлық технология көмегімен полиция қызметкерін шұғыл шақыру үшін SOS дабыл батырмалары орнатылған, деп хабарлайды AtyrauPress тілшісі.
Бұндай құрылғы қандайда бір келеңсіз немесе төтенше жағдайлар туындаған кезде SOS батырмасын басу арқылы автоматты түрде Жедел басқару орталығының қызметкерлерімен бейнежазба және аудио динамиктерімен дереу байланыс орнатуға көмектеседі.
Бүгінде Атырау қаласында тұрғындар көп шоғырланатын 5 көше бойында ( Хиуаз Доспанова атындағы халықаралық аэропорт, Вокзал маңы, Исатай-Махамбет ескерткіші, Жеңіс саябағы мен Орталық жағалау) орнатылған.
Осылайша, қала тұрғындарының тыныштығы мен қауіпсіздігін сақтап, қылмыстың жолын кесуде SOS дабыл батырмасы жылдам байланыс орнатады.