Атырауда қайығы аударылып суға кеткен жігіттің мәйіті табылды
Атырауда балық аулау кезінде қайықпен аударылып, суға батып кеткен жігіттің мәйіті табылды.
Бұл туралы ATPress.kz Атырау облысы төтенше жағдайлар департаментінің баспасөз қызметіне сілтеме жасай отырып хабарлайды.
Суға кеткен азамат балық аулауға ағасымен бірге барған. Қайық аударылғанда да ағасы бірге болыпты. Алайда, ол өз күшімен судан шыққан, ал, інісі тілсіз жаудың құрбанына айналады.
«24 сәуір күні сағат 10.30-дан бастап Құрманғазы ауданындағы Қиғаш өзенінде Атырау облысы Төтенше жағдайлар департаментінің күшімен (7 қызметкер мен 2 бірлік техника), іздестіру жұмыстары жүргізіліп,
сағат 13.45-те мәйіт судан шығарылып, полиция қызметкерлеріне тапсырылды» делінген департамент хабарламасында.
