Облыстық білім беру басқармасының қолдауымен Атырау қаласында мектеп оқушылары үшін шығармашылық бағыттағы медиа-лагерь ұйымдастырылды, деп хабарлайды AtyrauPress.
Екі күнге созылған медиа лагерь аясында оқушыларға журналистика, SMM және РR, мобилография, графикалық дизайн негіздері туралы тренингтер ұйымдастырылды.
Еске салайық, оқушыларды қазіргі еңбек нарығында ең көп сұранысқа ие шығармашылық бағыттағы мамандықтарға баулу мақсатында "Atyrau Bilim Media" жобасы іске қосылды.
Қала бойынша іріктеліп алынған 10 мектептің 8-11 сынып оқушылары қамтылып отырған жоба аясында шәкірттер заманауи мамандықтардың дағдыларын игеріп жатыр.
Мира НҰРТАЕВА