Атырауда обырдың алдын алуға арналған апталық басталды (+ВИДЕО)
Еліміздегі жатыр мойны обырының алдын алу апталығы басқа ауруларды да анықтады, деп хабарлайды AtyrauPress тілшісі.
Ал қатерлі ісіктердің жаңа өскіндері денсаулық пен өмір ұзақтығына төнген басты қатердің бірі. Дүниежүзілік денсаулық сақтау ұйымының (ДДСҰ) мәліметтері бойынша әлемде жыл сайын 18,07 миллион адам онкологиялық дерттерге шалдығады.
23-27 қаңтар аралығын қамтитын акция Қазақстанның барлық 20 өңірлік онкологиялық орталықтарында және Қазақ онкология және радиология ғылыми-зерттеу институтында жүргізілді.
"Емханамызда апталыққа байланысты барлық дәрігерге дейінгі кабинеттер дайын. Сонымен қатар, мамандар сіздерге кеңес беруге әрдайым дайын! Сұрақтарыңыз болған жағдайда Direct хабарламалар каналы ашық!" деп хбарлайды Геолог емханасының баспасөз қызметі.
Айта кетейік, жатыр мойны қатерлі ісігі жатыр мойыны эпителийінде пайда болатын қатерлі ісік болып табылады. Қазақстанда онкопатология құрылымында жатыр мойны қатерлі ісігі сүт безі қатерлі ісігінен кейін әйелдер арасында екінші орында тұр. Жыл сайын жатыр мойны қатерлі ісігінің 1700-ден астам жаңа жағдайы тіркеледі және осы аурудың 600-ге жуық жағдайы өлімге әкеледі.
