Атырау облысында «Көктем-2025» республикалық командалық-штабтық оқу жаттығуы өткізіледі, деп хабарлайды AtyrauPress тілшісі.
Атырау облысы аумағында 2025 жылғы 6-7 ақпан аралығында «2025 жылғы су тасқыны кезеңі жағдайларындағы төтенше жағдайларды жою кезіндегі іс-қимылдарға АҚМЖ-ның басқару органдарын, күштері мен құралдарын дайындау» тақырыбында «Көктем-2025» республикалық командалық-штабтық оқу-жаттығуы өткізіледі. Бұл туралы облыстық ТЖД Имидждік жұмыс және сыртқы коммуникациялар тобы мәлім етті. Оқу-жаттығудың мақсаты - су тасқыны кезінде күштер мен объектілерді басқару бойынша жергілікті атқарушы органдардың іс-әрекеттерін пысықтау, сондай-ақ жедел басқару ұйымдарымен өзара іс-қимыл жасау. Оқу-жаттығу жоспарына сәйкес, 6 ақпан күні сағат 11:00-де (түскі уақытқа дейін) «Баршаның назарына» дабыл сиренасы іске қосылады.
Оқу-жаттығу аясында өткізілетін іс-шаралар:
2025 жылғы 6 ақпанда сағат 09:00-де – «Көктем-2025» республикалық командалық-штабтық оқу-жаттығудың басталуы. Өтетін орны – Жедел штаб орталығы (Облыстық әкімдік ғимараты).
7 ақпан сағат 11.30-да – су тасқыны кезеңінде шұғыл авариялық-құтқару жұмыстарын жүргізу. Өтетін орны: Бесікті ауылы («Жайық» өзені жағасы).
• Бесікті ауылындағы жаға бекіту, бөгеттерді нығайту жұмыстарын жүргізу,
• тұрғындарды Күншуақ балабақшасына эвакуациялау,
• тіркемелі мотопомпалармен су сору жұмыстарын жүргізу,
• Бесікті ауылы тұсында Жайық өзенінен автокөлікпен өту кезінде мұз ойылып түсіп кеткен адамды құтқару бойынша іс-қимылдар пысықталады.
Сәуле МАҒАУ