Атырауда мектеп маңындағы «Сергек» туралы мамандар түсінік берді
22 сәуірде Атырау қаласының екі мектебінің жанында қосымша "Сергек" камералары қосылды, онда сағатына 40 шақырымнан аспайтын жылдамдық режимі орнатылды, алайда жүргізушілер мен блогерлер шаңымданғаннан кейін бұл талап уақытша тоқтатылды, деп хабарлайды ATPress.kz.
Атырау қаласы прокуратурасының өтініші бойынша және балалардың жолдағы қауіпсіздігін қамту мақсатында мектеп жанындағы "сергек" камерасының бақылауымен жылдамдық режимін 40 км/сағ дейін төмендету туралы шешім қабылданды.
-25 сәуірден бастап жылдамдық с.Бейбарыс даңғылы-М. Тоқатов көшесінің қиылысында және Ю. Гагарин атындағы қалалық орта мектебінің жанында орналасқан жаяу жүргіншілер өткелінде төмендетілді. Алайда осыған қатысты көптеген көлік жүргізушілерден сан түрлі пікірлер келіп түсті. Осыған байланысты осы жұмыстар аяқталғанға дейін жылдамдықты уақытша арттырдық,- деп хабарлады Руслан Мәжитов.
Полицейдің айтуынша, оларға осы шағын аудандардың тұрғындарынан "Сергектің" жылдамдығын төмендету туралы өтініш түскен.
- С.Бейбарыс даңғылы мен М. Тоқатов көшесінің қиылысындағы жолды балалар жиі кесіп өтеді. Себебі жақын жерде Ы.Алтынсарин атындағы қалалық орта мектеп орналасқан. Көбіне жылдамдықтың артуына байланысты балалар жол-көлік оқиғаларының құрбаны болады. Бізге жүгінген ата-аналар балаларының өміріне алаңдайды. Жолдардағы жұмыстар аяқталысымен "Сергек" 40 км/сағ жылдамдықпен қайта іске қосады,- дейді Руслан Мәжитов.
Полиция қызметкері 40 км/сағ жылдамдықты қосу кезінде есептелген айыппұлдарды төлемеуге болады деген қауесетті жоққа шығарды. Осы күндері жүргізушілер арқалаған барлық айыппұлдарын төлеулері қажет.
Біздің әңгімелесушіміз атап өткендей, балалар демалысқа шыққаннан кейін мектеп жанындағы барлық камералар бұрынғы режим бойынша жұмыс істей бастайды. Жаңа оқу жылының басынан бастап жылдамдықтар қайтадан төмендейді. Сонымен қатар," Сергек " барлық қалалық мектептерде орнатылады.
