Бұл туралы облыстық Қоғамдық кеңестің кеңейтілген отырысында облыстың бас дәрігері Асхан Байдуәлиев мәлімдеді, деп хабарлайды ATPress.kz.
Атырау облысында індет басталғалы бері 2 млн 54 мың ПТР зерттеу жүргізіліп, 62 мың 578 адамнан коронавирус инфекциясы анықталды. Оның 61 мың 583-і аурудан жазылып шықты.
- Облыс бойынша 17 наурыз бен 20 маусым аралығында эпидемиологиялық жағдай тұрақтанған болатын. Алайда 21 маусымда КВИ-дің жаңа жағдайы анықталды. Мәселен, 21-30 маусым аралығында КВИ-дің 15 жағдайы, ал 1-19 шілде аралығында 310 жағдайы тіркелді. Соңғы тәулік ішінде 36 жағдай, ал соңғы аптада орташа есеппен тәулігіне 3 жағдай тіркелген. Соңғы екі аптаны салыстырғанда аурушаңдық саны 4 есе өсіп отыр, - деді Атырау облыстық денсаулық сақтау басқармасының басшысы А.Байдувалиев.
Қазір облыста коронавирус инфекциясын емдеуге жұмылдырылған 333 инфекциялық төсек орын бар болса, соның ішінде 33-і жансақтауға арнап жасақталған.
19 шілде күнгі жағдай бойынша, жалпы инфекциялық стационарда 33 науқас ем алып жатыр. Оның ішінде №2 Атырау облыстық ауруханасында - 28, жан сақтау бөлімінде - 1, Жылыой аудандық ауруханасындағы инфекциялық стационарда - 4, Құрманғазы аудандық ауруханасындағы инфекциялық стационарда - 1 науқас ем алып жатыр. Жалпы инфекциялық стационар төсек-орын жүктемесі 9,9%-ы, жан сақтау бөлімінің төсек-орын жүктемесі 3,0%-ы құрап отыр.
Айта кетейік, бүгінгі күні амбулаторлық бақылауда 272 науқас бар. Ал үй жағдайындағы науқастар 137 мобильді бригаданың бақылауында.