Атырау қаласында 15 бағыт бойынша жолаушылар тасымалдайтын автобустар түнгі уақытқа дейін қызмет көрсетеді, деп хабарлайды ATPress.kz.
Қаладағы №3, 7, 15, 30, 50, 52, 53, 55, 56, 58, 58А, 59, 62 бағытында қызмет көрсететін автобус жүргізушілері кешкі сағат 21:00-ге дейін жолаушы тасымалдайды.
Ал «Балықшы» және «Авангард » шағынаудандарына қарай жүретін №12 қалалық қоғамдық көліктері сағат 22:00-ге дейін кезекшілігін жалғастыратын болады.
Сондай-ақ, «Теміржол вокзалы» және «Авангард» шағынауданы бағытында қызмет көрсететін №14 автобустар сағат 23:00-ге дейін қызмет көрсетеді.
Осы ретте, 109 нөміріне хабарласып, қосымша ақпаратпен қатар шағымдарыңызды да жеткізе аласыздар.