Атырау қаласында Құрылысшылар күні мен Жұмысшы мамандықтар жылы аясында облыстық Құрылыс, сәулет және қала құрылысы басқармасының ұйымдастыруымен кіші аяқ доптан біркүндік турнир өтуде. Оған 90 адам қатысуда, - деп хабарлайды Өңірлік коммуникациялар қызметі.
⁃ Жарысқа Атырау облысы, қала және жеті аудан әкімдіктерінен келген 9 команда қатысып жатыр. Турнир қызметкерлердің спортқа қызығушылығын арттырып, өңірлер арасындағы ынтымақтастықты нығайтуға бағытталған. Кәсіби мерекені атап өту концерттік бағдарламамен және сала үздіктері мен ардагерлерін марапаттау кешімен жалғасады, - деді облыстық Құрылыс, сәулет және қала құрылысы басқармасы басшысының орынбасары Талғат Бисен.
Турнирға қатысушы Мақат ауданы әкімі аппаратының басшысы Бекбол Әбуовтың айтуынша, бұл турнир жыл сайын ұйымдастырылып тұрады.
— Жарыс қызметкерлердің спортқа құлшынысын арттырып, тәжірибе алмасуға да септігін тигізеді. Біз командамызбен Мақат ауданы әкімдігінен келіп тұрмыз, – деді ол.
Турнир қорытындысында жеңімпаз командалар медаль және алғыс хаттармен марапатталады.