Атырауда қар тазалау жұмыстары түнде де жалғасуда (+ВИДЕО)

«Арнаулы автобаза» ЖШС қызметкерлері арнайы техникамен қар тазалап, тайғаққа қарсы реагент төгу жұмыстарын түнгі мезгілде де жалғастыруда, деп хабарлайды AtyrauPress тілшісі.

"Облыс орталығында Тұрғындар қалашығы шағынауданы, Вокзал маңы, Әбілқайыр хан, С.Датов, Қ.Сәтбаев, М.Өтемісов, Абай, Құрманғазы және басқа да көшелер мен аялдамалар қардан тазаланды" дейді Атырау қалалық әкімдігінің баспасөз хатшысы Айша Кенжемұратова. 

Айта кетейік, біз бұған дейін де қалада көктайғақтың алдын алу жұмыстары жүргізіліп жатқанын жазған болатынбыз. Қала әкімі бұл мәселені басты назарда ұстап, қажет болған жағдайда меморандумға сәйкес ірі мекеме өкілідерінің де техникаларымен қамтамасыз етілетінін айтқан еді.

Амандық САҒЫНТАЙҰЛЫ