Атырау облысында коронавирустық инфекциямен сырқаттанушылықтың өсуі байқалады, деп хабарлайды ATPress.kz облыстық денсаулық сақтау басқармасының баспасөз қызметіне сілтеме жасап.
Басқарма басшылығының айтуынша, соңғы тәулікте өңірде 61 адамнан COVID-19 анықталған.
Атырау қаласында - 44,
Жылыой ауданында - 12,
Құрманғазы ауданы - 3,
Индер және Қызылқоға аудандарында 1 адам.
"Коронавирустық инфекциясы бар 52 науқаста ауру тиісті белгілермен өтуде, 9 адамда ауру белгілері жоқ. Өткен тәулікте облыста коронавирустан емделгендер жоқ. Қазір 490 адам үй жағдайында, екінші облыстық ауруханада - 36, аудандық инфекциялық стационарларда - 9 науқас ем алуда" делінген ресми хабарламада.
Айта кетейік, инфекцияның таралу қарқыны бойынша Атырау облысы - «жасыл» аймақта.
Сурет - ашық дереккөзден.