Атырауда жол апатынан мотоцикл жүргізушісі қаза болды
14 шілде күні Владимирский көшесінде жол апаты болды, деп хабарлайды Атырау облыстық полиция департаментінің баспасөз қызметі.
Сағат 20:50 шамасында Атырау қаласы, Владимирский көшесінде Toyota Camry көлігі солға бұрылыс маневрын жасап жатқан кезде қарама-қарсы келе жатқан Honda мотоцикліне жол бермей соқтығысқан. Соққы екпінімен мотоцикл қарсы бағытта келе жатқан ВАЗ-2114 көлігіне соқтығысқан.
Мотокөліктің 1989 жылы туған жүргізушісі жедел-жәрдем арқылы облыстық ауруханаға жеткізілді. Алайда ол жансақтау бөлімінде қаза тапты. Қазір тергеу амалдары жүргізіліп жатыр.
