Атырауда дауыс беру учаскелері ашылды
Бүгін, 5 маусым қазақстандықтар Конституцияның 33 бабына түзетулер енгізу туралы республикалық референдумда дауыс береді.
Атырау облысында дауыс беру учаскелері ашылды, деп хабарлайды ATPress.kz.
Облыс орталығындағы Н.Тілендиев атындағы облыстық кіші өнер академиясында орналасқан №8 дауыс беру учаскесінде бірінші болып 65 жастағы Николай Светлов дауыс берді.
Учаскелік референдум комиссиясының төрағасы Мәншүк Закаринаның айтуынша, бұнда 1222 адам тіркелген, оның 5-еуі таңдауын үйден жасайды.
Жергілікті уақыт бойынша 7.00-де басталған дауыс беру кешкі 20.00-ге дейін жалғасады.
Айта кетейік, cоңғы рет жалпыхалықтық референдум 27 жыл бұрын қолданыстағы Ата заң қабылданған кезде өткізілген еді. 1995 жылдан бері барлық түзету мен өзгеріс Конституцияға парламент арқылы енгізіліп келді. Ал биыл президент Қасым-Жомарт Тоқаев әрбір азаматқа ел тағдырын шешуге тікелей қатысуға мүмкіндік берді.
