27 қазанда сағат 18:37 шамасында Атырау қаласындағы сауда ойын-сауық кешенінің бірінде түтін шыққаны туралы шақырту түсті, деп хабарлайды AtyrauPress тілшісі.
Облыстық ТЖД Қоғаммен байланыс тобы мәлім еткендей, құтқарушылар дереу оқиға орнына жетіп, 80 адамды, оның ішінде 45 баланы қауіпсіз жерге эвакуациялады. Оқиға орнында штаб құрылып, өрт сөндіру жұмыстары жүргізілуде. Зардап шеккендер мен қаза тапқандар жоқ. Өртті сөндіруге ТЖД 90 жеке құрамы, 12 техника жұмылдырылды.
Амандық САҒЫНТАЙҰЛЫ
