Атырауда автокөлік жүргізушісі 24 қойды қағып кетті, деп хабарлайды ATPress.kz.
Атырау облысы полиция департаментінің баспасөз қызметі берген ақпарат бойынша, оқиға 25 шілде күні сағат 06.30 шамасында орын алған. Атырау-Ақтөбе тас жолының 400 шақырымындағы Жантерек елдімекені тұсында RAVON R4 автокөлігінің жүргізушісі 24 бас қойды қағып кеткен.
Соның салдарынан мал иелеріне 1 млн 200 мың теңге материалдық шығын келген.
Қой бағып жүрген қойшы малды рұқсат етілмеген жерден айдап өтпек болған.
Осылайша, жеке тұлғалардың мүлкіне залал келтіргені үшін қойшыға қатысты ҚР ӘҚБтК-нің 408-ші бабының 2-ші бөлігімен әкімшілік хаттама толтырылды.