Атырау облысы ТЖД мәліметінше, алдағы тәулікте облыста дауыл соғады, деп хабарлайды AtyrauPress тілшісі.
24 мамырда Атырау облысының оңтүстік, шығысында найзағай күтіледі. Түнде және таңертең облыстың батысында тұман болады. Облыстың солтүстік-шығысында, оңтүстігінде, шығысында соғатын желдің жылдамдығы 15-20 м/с. Облыстың солтүстік-батысында өрт қаупі жоғары. Ауа-райының нашарлауына байланысты, құтқарушылар облыс тұрғындарын алыс жолға шықпауға шақыруда. Әсіресе, тасқын қаупі күшейіп тұрған Махамбет, Индер бағыттарындағы трассамен жолға шығу - өте қаупі.
Еске сала кетейік, Атырау облысында табиғи сипаттағы ТЖ режимі сақталуда, тасқын су қаупіне байланысты, кейбір бағыттар бойынша автомобиль жолдары уақытша жабылды.