Атырау облыстық аумақтық қорғаныс бригадасы арнайы тактикалық оқу-жаттығуды бастады. – Он күндік жаттығу барысында жеке құрам білімін жетілдіріп, аумақтық қорғаныс бригадасының далалық дағдысы мен үйлесімділігін арттыруды іс жүзінде пысықтайды. Бұған қоса, аумақтық қорғаныс бригадасының міндеттерін орындау кезінде жоғары жауынгерлік пен моральдық-психологиялық қасиеттерін қалыптастырады, – дейді аумақтық қорғаныс бригадасының командирі, полковник Ермек Қуанышов. Екінші кезеңде жауынгерлік үйлесімділікті ұйымдастыру мен өткізу мәселелері жүргізіледі. Қорытынды кезеңде жауынгерлерге объектілерді күзетуді күшейту, заңсыз әскери құрамалардың бағытын айқындап жою, жауапты аймақ шегіндегі соғыс жағдайы режимін қамтамасыз ету және қолдау бойынша бригада командирінің жұмысы ұйымдастырылады. Диас НАУРЫЗАЛИЕВ
