Оқиға 15 мамыр күні сағат 06:13 шамасында Вокзал маңы мөлтек ауданында орналасқан мейрамханалардың бірінде орын алды.
Жанжал шығарып, бір-біріне жұдырық жұмсағандардың бұл әрекеті Атырау қаласы полиция басқармасының жедел басқару орталығы қызметкерлерінің бейнебақылау камераларына түсіп қалды.
ЖБО қызметкерлері дереу Батыс қызметкерлерін оқиға орнына жіберді. Аталған жерге жеткен тәртіп сақшылары қоғамдық орында өзара сөзге келіп, төбелес шығарған 1989, 1997 және және 1998 жылдары туған үш азаматты анықтады.
Оларға қатысты ҚР ӘҚБтК-нің 434 бабының 1 бөлімімен (Ұсақ бұзақылық) әкімшілік хаттама толтырылып, сот шешімімен әрқайсысына 10 721 теңге көлемінде айыппұл салынды.