Алдағы екі жылда Нұрсая шағынауданында 66 шақырым электр желісі тартылады, деп хабарлайды AtyrauPress тілшісі.
Ал биыл қала бойынша электр қуатымен мәселе туындаған кейбір ықшамауданда 32 шақырым болатын өзін-өзі оқшаулағыш (самоизолирующийся) желі тартылады. Бұл туралы Өңірлік коммуникациялар қызметі мәлім етті.
Атырау қаласы әкімдігінің баспасөз хатшысы Ғасырбек Төлегеннің айтуынша, қазіргі уақытта қазу жұмыстары басталды.
- Шаһар ішінде желі тарту жұмыстары Водников, Жұлдыз, Жұлдыз-3, Атырау, Нұрсая шағынауданында және Б.Құлманов 139, 147, 154, 154а, Қ.Сатпаев 33, 35, 25, 27, 29, мекенжайлары мен Б.Аманшин, Р.Ғабдиева көшесінде жүргізіледі. Жұмыстар бұрын келіп түскен арыз-шағымдарды ескере отырып жасалуда. Нәтижесінде қаладағы электр мәселесі шешімін тауып, қуат көзі қалыпты жұмыс істейді деп күтілуде,- деді Ғ.Төлеген.