Бұл туралы Атырау қалалық полиция басқармасы мәлім етті, деп хабарлайды AtyrauPress тілшісі.
27 наурыз күні сағат 19:30 шамасында Көктем ықшамауданындағы С.Айтжанов көшесінде екі автокөліктің қатысуымен жол-көлік оқиғасы орын алды. Атап айтқанда, ВАЗ-2115 автокөлігінің 2003 жылы туған жүргізушісі екінші дәрежелі жолдан шығып, басты жолда келе жатқан Toyota Alphard көлігіне соқтығысқан. Салдарынан қос жүргізуші де "жедел жәрдеммен" облыстық ауруханаға жеткізілді. Қазір тиісті іс-құжаттар жинақталуда.
Амандық САҒЫНТАЙҰЛЫ
