12-17 сәуір аралығында Тараз қаласында XXX ерлер арасында волейболдан Қазақстан чемпионаты өтті.
Ұлттық Лигада Атырау облысының командасы жеңімпаз атанды, деп хабарлайды ATPress.kz облыстық дене шынықтыру және спорт басқармасының баспасөз қызметіне сілтеме жасап.
«Ақтық сында жерлестеріміз «Есіл» командасын 3:0 есебімен ұтты. Атыраулық команда соңғы рет 2018 жылы ел чемпионы атанған болатын» делінген хабарламада.
Айта кетейік, «Атырау» волейбол командасы 2000 жылы құрылды. Жергілікті команда ел чемпионатында жылма-жыл тұрақты түрде жүлдегерлер қатарынан көрініп келеді.