Атырауда жаңа әуежай терминалының жобасы белсенді түрде әзірленіп жатыр. Қазіргі таңда мамандар жобалаудың қарқынды кезеңінде, түрлі жоспарлау шешімдері мен аймақтарға бөлу нұсқаларын қарастыруда.
Ұсынылған суреттер – бұл жұмыс материалдары, олар сәулетшілер мен инженерлерге әртүрлі даму сценарийлерін көз алдына елестетуге және жобаны жан-жақты пысықтауға көмектеседі. Команда жоба бойынша үнемі талдау жасап, пікір алмасып, қажетті түзетулер енгізіп отырады. Мақсат – жолаушыларға арналған заманауи, қолайлы кеңістік құру.
Бұл жобаның басты мақсаты – қарқынды дамып келе жатқан Атырау қаласына лайықты, ыңғайлы және функционалды жаңа терминал салу.
