Қауіпті инфекцияларды анықтау мақсатында Жайық өзенінен сынама алынуда, деп хабарлайды AtyrauPress тілшісі Атырау облысының Төтенше жағдайлар жөніндегі жедел штабына сілтеме жасап.
Сәуір айы басталғалы бері Жайық өзенінен 30 сынама алынған. Атырау қаласы Санитарлық-эпидемиологиялық бақылау басқармасының бөлім басшысы Қаламқас Аманжулованың айтуынша, сәуір айынан бері Жайық өзенінен вирусологиялық, бактериологиялық, паразитологиялық, санитариялық-химиялық сынамалар алынып басталған.
«Тасқын жағдайына байланысты, Жайық өзенінің бірнеше нүктесінен сынамалар алынып отырады. Бұған дейінгі сынамалардан лайлылық, түс пен дәмнен сәйкессіздіктер сәйкесссіздік анықталды. Бірақ, ол жағдайлардың адам денсаулығына зияны жоқ» деді спикер.