AtyrauPress тілшісінің хабарлауынша, Дамбы ауылдық округіне қарасты Амангелді ауылында үш жылға тоқтап қалған 300 орындық мектептің құрылысы қайта басталды.
Қазіргі уақытта құрылыс жұмыстарының 45 пайызы аяқталған: жылыту жүйелері жүргізіліп, ішкі әрлеу жұмыстары мен су және газ жүйелеріне қосу жұмыстары жүргізілуде. Нысанды желтоқсан айында тапсыру жоспарланып отыр.
Жобаның жалпы құны – 2,1 млрд теңге. Құрылысты Түркістан облысынан келген «VEK-STROY-COM» ЖШС жүргізуде.
Мадина Серікқызы