Бүгін “AMANAT” партиясы Атырау облыстық филиалы атқарушы хатшысының орынбасары лауазымына Қуантай Мергенбайұлы Бисалиев тағайындалды.
Қ.М. Бисалиев 1987 жылы 21 наурызда Атырау облысы Жылыой ауданы Құлсары қаласында дүниеге келген. Қуантай Бисалиев Қ.Жұбанов атындағы Ақтөбе мемлекеттік университетінің
“ мемлекеттік және жергілікті басқару” мамандығын тамамдаған.
Еңбек өтілі:
2008 жылы Атырау облысы Жылыой аудандық ауыл шаруашылығы бөлімінде іс жүргізуші боп істейді.
2009-2013 жылдар аралығында “Jas Otan” жастар қанаты Жылыой аудандық филиалының атқарушы хатшысы болып қызмет атқарды.
2013-2021 жылдар аралығында Атырау облыстық партия филиалының ұйымдастыру-бақылау жұмысы консультанты, меңгерушісі боп жасады.
2021-2023 жылдар аралығында “AMANAT” партиясы Орталық аппаратының ұйымдастыру және аумақтық жұмыс департаментінің инспекторы қызметін атқарды.
2023 жылдың 12 шілдесінен “AMANAT” партиясы Атырау облыстық филиалы атқарушы хатшысының орынбасары лауазымында.
2009 жылдан бері партия мүшесі. Партия төрағасының және ҚР Президентінің Алғыс хаттарымен ( 2015, 2016, 2021, 2022, 2023 жж); партияның “Белсенді қызметі үшін” төс белгісімен; ҚР Құрмет грамотасымен(2020 ж.) марапатталған.