Қазақстанның Қарулы Күштерінде "Алтын Жебе-2024"бөлімшелері кешенді тексеруден өтуде. Оның негізгі мақсаттары арнайы бөлімшелердің жауынгерлік әзірлігінің жай-күйін және кез келген жауынгерлік тапсырманы белгіленген мерзімде орындау қабілетін тексеру, сондай-ақ барлық санаттағы әскери қызметшілердің далалық білімі мен кәсіптік даярлығының деңгейін арттыру болып табылады, деп хабарлайды AtyrauPress тілшісі.
26-28 наурыз аралығында "Алтын жебе-2024" кешенді тексеру шеңберінде 41433 ә/б әскери қызметшілері дабыл бойынша көтерілді, нормативтер кешенін тапсырды, марш-атыс жасады, армиялық тактикалық атыс жүргізді, күндізгі және түнгі уақытта атыс пен штаттық қару-жарақтан атуды түзету жөніндегі міндеттерді орындады. Олар сондай-ақ әскери топография, диверсиялық іс, радиациялық, химиялық және биологиялық қорғау, медициналық дайындық бойынша арнайы нормативтерді тапсырды. Оқу-жаттығу "Қарабан"оқу полигонында өтті.
- "Алтын Жебе-2024" кешенді тексеру шеңберінде "Қарабан" полигонындағы 41433 ә/б бөлімшелері көрсетілген мерзімге 15 шақырым толық есеппен шеру өткізді. Бұл тексерулер тек жауынгерлік дайындыққа ғана емес, сонымен қатар жауынгерлік бөлімшелерді біріктіруге де пайдалы әсер етеді. Барлық қойылған міндеттер мен нормативтер әскери қызметшілермен "өте жақсы" пысықталды, - деді 41433 ә/б командирі подполковник Жалғас Рахмғалиев.
Бөлімшелерді тексеру бағдарламасы күрделі және бай. Бөлімшелердің іс-қимылдары дала аймағында жоспарланған, бұл маскировка жасауды және шартты жаумен күресуді қиындатады. Сондай-ақ, бөлімше түнгі уақытта азимут бойынша шеру-лақтыру жасады, онда олар барлау-іздеу әрекеттерін жүргізді.
Сонымен қатар, тексерудің негізгі кезеңдерін орындау барысында бөлімшелер күндізгі және түнгі уақытта буктурмаға қатысады. Тексерудің бұл кезеңі арнайы атыс тапсырмаларын орындаумен аяқталды.
Бүгінгі таңда 41433 әскери бөлімінің әскери қызметшілері "Алтын Жебе" тексеру міндеттерін "өте жақсы" деген бағамен орындады.