1,1 миллиард теңгеге заңсыз мазут сатқандар ұсталды
Шымкентте жалпы құны 1,1 миллиард теңгеден асатын 8 мың тоннаға жуық мазутты заңсыз сату дерегі анықталды, - деп хабарлайды Tengrinews.kz.
AФМ мәліметінше, екі кәсіпкер мазутты белгісіз біреулерден сатып алып, кейін оның шығу заңдылығын растайтын құжаттарсыз әртүрлі компанияларға заңсыз сатқан.
Сот үкімімен бұл тұлғалар кінәлі деп танылып, оларға 2 жыл 8 ай мерзімге бас бостандығынан айыру жазасы тағайындалды.
Фото ашық дереккөздерден алынды
