Жастар ресурстық орталығында Құрманғазы ауданы әкімі Марат Мурзиевтің әр саланың белсенді жастарымен еркін форматтағы кездесуі өтті.
Ашық диалог форматында өткен кездесуде Марат Бисенғалиұлы сұхбат жүргізу барысында мемлекеттік қызметке алғаш келген жолы туралы айтып, бала кезіндегі қызықты оқиғаларымен бөлісіп, жастармен әр бағытта пікірін алмасты.
Сонымен қатар, сүйікті хоббиі туралы айту барысында спортқа жақын екендігін атап өтіп, футболға деген қызығушылығын да жеткізе кетті. Кездесу барысында, аудан әкімі және аппарат басшысы Қайрат Қуандықұлы Булеков жастардың ұйымдастырған түрлі бағыттағы ойындарына белсенді қатысты.
Кездесу соңында аудан әкімі қатысушыларға жылы лебізін жеткізіп, жастарға әрдайым қолдау көрсетіліп, болашақтары үшін жағдай жасауға әр уақытта дайын екендігін жеткізе кетті.
Б.Қазиханов