Нұрсұлтан Назарбаевқа қатысты тағы бір жайт белгілі болды
Нұрсұлтан Назарбаев тағы бір атағынан айырылды, деп хабарлайды AtyrauPress тілшісі.
Бұл туралы Сенат спикері Мәулен Әшімбаев айтты.
«Осыдан екі-үш апта бұрын Сенат регламентіне тиіс өзгерістер енгізілді. Біз регламенттен құрметті сенатор атағын алып тастадық. Бізде қазір ондай институт жоқ. Бұл шешімді қабылдауымыздың себебі, біздің барлық халық референдумда дауыс берді. Тұңғыш Президент туралы жарлық Конституциядан алынып тасталды. Бұл – халқымыздың шешімі. Құрметті сенатор атағы енді заңда жоқ. Бірден айта кетейін, Сенат регламентіне өзгерістер енгізілген. Біз бұл норманы қайта қарап, өзгерткенде «Құрметті сенатор» атағын алып тастадық. Бұған дейін ол тек бір адамға берілген еді. Қазір бұл атақ ешкімге берілмейді. Өйткені қазір бұған бізде заңды негіз жоқ» деді ол.
Фото: twitter.com/aidos_ukibay
