06 Ақпан, 2023 114

Нұрсаяда жаңа емхана салынбақшы

 Нұрсаяда жаңа емхана салынбақшы

Нұрсая ықшамауданында 250 орындық үш қабатты емхана бой көтермек, деп хабарлайды AtyrauPress тілшісі.

Үш қабатты жаңа емхана Нұрсая ықшам ауданында салынады деп жоспарлануда. Қазіргі таңда нысанның жобалық-сметалық құжаты дайын. Аталған жоба Атырау облысының әлеуметтік-экономикалық дамуының кешенді жоспарын іске асыру барысында жүзеге асып отыр. Нысанда келушілерге арналған жалпы бөлме, дәрігерлік практика бөлімшесі, күндізгі стационар, оңалту, профилактика және әлеуметтік-психологиялық көмек бөлімшесі бар.

 Сондай-ақ консультациялық-диагностикалық көмек бөлімшесі, зертхана, биохимиялық топ, функционалды, сәулелік диагностика, орталық зарарсыздандыру бөлмелері қаралған. Оған қоса әкімшілік-тұрмыстық, қызметтік және шаруашылық бөлімдер болып функционалдық топтарға бөлінген.

 

Айта кетейік, медициналық нысанның жалпы ауданы 4709,77 шаршы метрді құрайды. Құрылыс жұмыстарының жобалаушы мекемесі «Астана-Проджект» ЖШС.