Махамбетте бір күнде төрт әкім тағайындалды

Махамбет ауданында төрт ауылдық округ әкімі тағайындалды, деп хабарлайды AtyrauPress тілшісі.

“ҚР жергілікті мемлекеттік басқару және өзін-өзі басқару туралы” ҚР 2001 жылғы 23 қаңтардағы Заңының 36, 37-баптарына, “ҚР мемлекеттік қызметі туралы” ҚР 2015 жылғы 23 қарашадағы Заңының 30-бабының 1-тармағына сәйкес Махамбет ауданы әкімінің 2023 жылғы 23 қаңтардағы №30 өкімімен Сұлтанов Ермұрат Өтегенұлы Бақсай ауылдық округінің әкімі болып тағайындалды. Ол 1976 жылы 5 қараша күні Атырау облысы, Махамбет ауданы, Таңдай ауылында дүниеге келген. Ұлты қазақ. Білімі жоғары. Тағайындалғанға дейін 2019 жылдың қараша айынан бастап Атырау қаласы, Алмалы ауылдық округінің бас маманы қызметін атқарып келді.

Махамбет ауданы әкімінің 2023 жылғы 23 қаңтардағы №31 өкімімен Төлеген Алмас Ұзақбайұлы Есбол ауылдық округінің әкімі болып тағайындалды. Ол 1974 жылы 20 наурызда Атырау облысы, Исатай ауданы, Новобогат селосында дүниеге келген. Ұлты қазақ. Білімі жоғары. Тағайындалғанға дейін 2020 жылдың 1 маусымынан бастап Махамбет ауданы әкімдігінің халықты жұмыспен қамту орталығының директоры лауазымын атқарып келді.

Махамбет ауданы әкімінің 2023 жылғы 24 қаңтардағы №34 өкімімен Зулхашев Сейлбек Шаудирович Бейбарыс ауылдық округінің әкімі болып тағайындалды. Ол 1991 жылы 30 маусымда Атырау облысы, Махамбет ауданы, Есбол селосында дүниеге келген. Ұлты қазақ. Білімі жоғары. Тағайындалғанға дейін 2021 жылдың 1 қарашадан бастап ҚР АШМ Ветеринариялық бақылау және қадағалау комитетінің Атырау қалалық аумақтық инспекциясының басшысы лауазымын атқарып келді.

Махамбет ауданы әкімінің 2023 жылғы 24 қаңтардағы №35 өкімімен Әженов Руслан Болатұлы Махамбет ауылдық округінің әкімі болып тағайындалды. Ол 1983 жылы 25 тамызда Гурьев облысы, Махамбет ауданы Махамбет селосында дүниеге келген. Ұлты қазақ. Білімі жоғары. Тағайындалғанға дейін 2016 жылдың 30 қазанынан бастап «AMANAT» партиясы Махамбет аудандық филиалының Атқарушы хатшысы лауазымын атқарып келді.