Қызылқоға ауданына қарасты бес ауылдық округке жарықтандыру жұмыстары жүргізілді, деп хабарлайды AtyrauPress тілшісі.
Қызылқоға ауылдық округі (Қарабау) ауылының көшелерін жарықтандыру бойынша жұмыстар жүргізіліп, жауапты мердігер мекеме “Inven Team” ЖШС-гі арқылы ұзындығы 1,1 км болатын кіреберіс жол бөлігіне 44 дана жарықшамдар орнатылды. Бұл туралы облыстық энергетика басқармасының мамандары мәлім етті. Сондай-ақ, бұл жұмыстар Қаракөл ауылдық округінде де жалғасын тапты. Аталған округте “Еламан Ойл” ЖШС-нің мердігерлерімен 2,3 км кірме жолға 75 дана жарықшамдар орнатылып, іске қосылды.
Ал, Тасшағыл ауылының кірме жолын жарықтандыру бойынша жеңімпаз мердігер «Жайық Сити» ЖШС-гі арқылы 2,8 км болатын кірме жолға барлығы 105 дана жарықшамдар орнатылып, іске қосылды.
Жангелдин ауылының көшелерін жарықтандыру бойынша өткен жылы 0,920 км болатын көше жарықтарын «Inven Team» ЖШС-гі арқылы округ көшелеріне 37 дана жарықшамдар орнатылды.
Сонымен бірге, Тайсойған ауылының кірме жолын жарықтандыру бағытында 2,8 км кірме жолына 174 дана заманауи жарықшамдар орнатылып, іске қосылды.
Амандық САҒЫНТАЙҰЛЫ