Бұл туралы Атырау қаласы әкімдігі мәлім етті, деп хабарлайды AtyrauPress тілшісі.
"Құрметті Атырау қаласына қарасты ауылдық елді мекен тұрғындары! Мемлекет басшысының сайлауалды тұғырнамасындағы тапсырмасына сәйкес, 2022-2025 жылдарға арналған ауыл халқының табысын арттыру бағытында “Ауыл аманаты” пилоттық жобасы Атырау облысы аумағында жүзеге асырылуы жоспарлануда. Бағдарлама аясында жылдық 2,5 пайызбен жеке қосалқы шаруашылықтарға (ЛПХ) 2,5 мың айлық есептік көрсеткіш (АЕК) немесе 8,6 млн. теңге көлемінде микрокредиттер және ауыл шаруашылығы кооперативтерін құру және оларды қажетті инфрақұрылыммен қамтамасыз ету үшін 8 мың АЕК немесе 27,6 млн. теңгеге дейін несие беру көзделген. Аталған бағдарлама талаптарын түсіндіру бойынша барлық ауылдық округтерде жиындар өткізілетінін хабарлай отырып, барлық ауыл тұрғындарын осы жиындарға қатысуға шақырамыз!" делінген хабарламада.
Амандық САҒЫНТАЙҰЛЫ
