09 Шілде, 2019

Бас санитар жазда қай елдерге баруға болмайтынын айтты

Қазақстанның денсаулық сақтау министрлігі тауарлар мен көрсетілетін қызмет сапасы және қауіпсіздігін бақылау комитеті төрағасының орынбасары, бас санитарлық дәрігер Жандарбек Бекшин жазғы демалыста қай елдерге бару қауіпті екенін айтты.

«Мен азаматтарға баруға кеңес бермейтін елдің қатарына бірінші Мадагаскарды жатқызар едім. Онда жыл сайын бір мың адам өкпе обасын жұқтырады. Бразилияға да бармаған жөн. Онда дэнге, эбола, сары ауру сынды жұқпалы дерттер бар. Сондай-ақ, Конго Демократиялық Республикасы мен Африканың батысындағы елдерге баруға болмайды. Бұл мемлекеттерде ауру жұқтыру қауіпі жоғары», - дейді Жандарбек Бекшин орталық коммуникациялар қызметіндегі брифингте.

Ол Бразилияға баратындарға міндетті түрде сары ауруға қарсы екпе салғызу қажеттігін ескертті.

«Ал енді Бразилияға баратын болсаңыз, сары ауруға қарсы екпе салғызу керек. Сонда бұл елге баруға болады», - деп елдің бас санитары сөзін түйіндеді.


Дереккөз: Sputniknews.kz


Ақпараттық ресурс ATPress.kz IOS пен Android қосымшаларда

Тегтер: #өкпе обасы #сары ауру #жұқпалы дерт #екпе